WATCH: Eroplano ng Korean Air nag-overshoot sa runway ng Mactan-Cebu International Airport

Nasuspinde ang biyahe ng mga eroplano sa Mactan-Cebu International Airport dahil sa nag-overshoot na eroplano ng Korean Air sa runway ng Paliparan.

Kinumpirma ng pamunuan ng paliparan na nag-overshoot sa runway ang Korean Air flight KE 631 dakong alas 11:00 ng gabi ng Linggo, Oct. 23.

Mabilis namang nailigtas ang lahat ng 162 na pasahero ng eroplano na kinabibilangan ng 160 adults at 2 infants.

Ligtas din ang 11 crew ng eroplano na pawang inilikas sa MCIA Terminal 2 para agad maisailalim sa medical evaluation.

Sa lakas ng pagkakasadsad, sira ang bungad na bahagi ng eroplano.

Nagresulta ang insidente ng pagkakasuspinde sa flight operations sa MCIA.

Walang eroplanong pinapayagang lumapag at umalis muna sa paliparan habang nagpapatuloy ang operasyon sa sumadsad na eroplano. (DDC)