Pangulong Marcos nasa Bacolod City para dumalo sa MassKara Festival

Nagtungo si Pangulong Ferdinand R. Marcos sa lungsod ng Bacolod kung saan siya ay makikilahok sa mga idinaraos na programa para sa MassKara Festival.

Dalawang taon na hindi nakapagdaos ng MassKara Festival dahil sa pandemya ng COVID-19.

Ayon sa Office of the Press Secretary, pangungunahan din ng pangulo ang iba pang mga aktibidad sa lungsod.

Kabilang dito ang pagbibigay ng ayuda sa mga benepisyaro ng mga programa ng Department of Social Welfare and Development (DSWD) at Department of Agriculture.

Dadalo din ang pangulo sa isasagawang situation briefing sa rehiyon at sa pagpapasinaya ng Bacolod-Murcia Marker. (DDC)