Pangulong Marcos nagtalaga ng mga bagong mahistrado sa CA at CTA
May itinalagang mga bagong mahistrado sa Court of Appeals (CA) at Court of Tax Appeals (CTA) si Pangulong Ferdinand Marcos Jr.
Kinumpirma ni Office of the Press Secretary office-in-charge Cheloy Garafil ang pagtatalaga kina Selma Palacio Alaras at Wilhelmina B. Jorge-Wagan bilang Associate Justices ng CA at kay Corazon G. Ferrer-Flores naman bilang Associate Justice ng CTA.
Pinalitan ni Alaras si Justice Gabriel Ingles, habang si Joge-Wagan ay pinalitan naman si Justice Edgardo Camello.
Si Flores naman ang papalit sa iniwang pwesto ni Justice Juanito Castañeda sa CTA.
Ang tatlong mga bagong hirang na mahistrado ay nanumpa na sa pwesto kay Supreme Court Chief Justice Alexander Gesmundo. (DDC)
