Bilang ng mga naapektuhan ng bagyong Neneng umakyat na sa mahigit 175,000
Umakyat na sa mahigit 175,000 katao o mahigit 50,000 na pamilya ang naapektuhan ng pananalasa ng Bagyong Neneng.
Ayon sa datos ng National Disaster Risk reduction and Management Council (NDRRMC), sa kabuuan, 50,248 na pamilya na ang bilang ng naapektuhan ng bagyo o katumbas ng 175,275 na indibidwal mula sa 434 na mga barangay sa Regions I, II, at CAR.
Mayroon pang 1,689 na pamilya ang hindi pa nakakauwi sa kanilang mga tahanan na pawang nasa mga evacuation center o kaya naman ay nakikituloy sa kanilang kaanak.
Iniulat din ng NDRRMC na nakapagtala ng 166 na mga bahay na nasira ng bagyong Neneng. (DDC)
