Oct. 31 idineklara bilang special non-working holiday ni Pangulong Marcos
Idinekalara ni Pangulong Ferdinand Marcos Jr. bilang special non-working holiday ang October 31, araw ng Lunes.
Inanunsyo ito ni Office of the Press Secretary officer-in-charge Cheloy Garafil sa press briefing sa Malakanyang.
Ayon kay Garafil nilagdaan ni Pangulong Marcos, proklamasyon na nagdedeklara sa Oct. 31 bilang special non-working holiday.
Ito ay para magkaroon aniya ng mas mahabang pagkakataon ang publiko na makasama ang pamilya.
Makatutulong din ito ayon kay Garafil para ma-promote ang local tourism. (DDC)
