15,314 na bagong kaso ng COVID-19 naitala ng DOH sa nakalipas na isang linggo

Nakapagtala ng 15,314 na bagong kaso ng COVID-19 sa bansa sa nakalipas na isang linggo o mula Oct. 10 hanggang Oct. 16.

Ang datos ayon sa Department of Health (DOH) ay 7 percent na mas mataas kumpara sa naitalang mga bagong kaso noong mula Oct. 3 hanggang Oct. 9.

Ayon sa DOH, sa 15,314 na bagong mga kaso, 4 lamang ang severe at critical cases.

Habang nakapagtala naman ng 251 dagdag na nasawi.

Samantala, iniulat din ng DOH na mayroon nang 73,397,437 na fully vaccinated individuals.

Umabot naman na sa 20,318,781 ang nakatanggap ng booster shots. (DDC)