Presyo ng produktong petrolyo muling tataas
May pagtaas muli sa presyo ng produktong petrolyo ngayong linggo.
Sa abiso ng mga kumpanya ng langis, tataas ng P2.70 ang presyo ng kada litro ng diesel at 80 centavos naman ang dagdag sa presyo ng kada litro ng gasolina.
Tataas din ng P2.90 ang presyo ng kada litro ng kerosene.
Ang pagtaas ay dahil umano sa paggalaw ng presyo ng produktong petrolyo sa international oil market.
Epektibo ang dagdag presyo bukas araw ng Martes, Oct. 18. (DDC)
