BTS members sasailalim sa military service

Inanunsyo ng kumpanyang Big Hit Entertainment na sasailalim ang mga miyembro ng BTS sa mandatory military service.

Ayon sa pahayag ng Big Hit, matapos ang kanilang concert sa Busan at ng kani-kanilang individual releases ay may panahon para sa mga miyembro ng BTS na sumailalim sa military service.

Si Jin ang unang sasalang sa military service pagkatapos ng solo release nito sa katapusan ng Oktubre.

Ang iba pang miyembro ng BTS ayon sa Big Hit ay papasok sa military service base sa kani-kanilang individual plans.

Matagal nang usap-usapan sa South Korea ang pagsailalim sa military service ng mga miyembro ng grupo.

Naniniwala kasi ang fans ng BTS na puwede silang i-exempt sa serbisyo dahil sa mga karangalan na kanilang naihatid sa South Korea. (DDC)