GORA Lane inilunsad sa ilang pangunahing lansangan sa QC
Inilunsad ng Quezon City local government ang 5.39 kilometers na “pedestrian corridor” na Green Open Reclaimed Areas o GORA Lane sa kahabaan ng Doña Hemady, Scout Tobias, at Mother Ignacia Avenue.
Sa ilalim ng GORA Project ay nilagyan ng pocket parks, pinalawak at inayos ang sidewalk sa nasabing kalsada.
Layunin ng nasabing linya na gawing mas madali, ligtas, at komportable ang paglalakad ng mga residente patungo sa mga pangunahing kalsada sa lungsod gaya ng Aurora Boulevard, Quezon Avenue, at EDSA, gayundin din sa mga patungo ng LRT-Gilmore Station, MRT-GMA Kamuning Station, at MRT-Quezon Avenue Station. (DDC)
