600 senior citizens sa Las Piñas tumanggap ng free anti-pneumonia vaccine
Aabot sa 600 na senior citizens o nakatatanda sa Las Piñas City ang nakatanggap ng libreng bakuna kontra pneumonia sa isinagawang medical mission ng lokal na pamahalaaan.
Ito ay bilang bahagi sa selebrasyon ng Elderly Week 2022 sa pangangasiwa ng City Social Welfare and Development Office (CSWDO) ng Las Piñas sa pakikipagtulungan ng City Health Office (CHO) at Office of the Senior Citizen Affairs (OSCA), na isinagawa sa Myrna Panlilio Covered Court, BF Resort Village, Barangay Talon Dos.
Ang naturang libreng bakuna para sa mga seniors citizens ay ipinagkaloob nina Mayor Imelda Aguilar at Vice Mayor April Aguilar bilang kanilang inisyatibo na tulungan at bigyang proteksiyon ang mamamayan nito laban sa mga sakit. (Bhelle Gamboa)
