Kwarto na ginamit nina Senators Estrada at Revilla sa Custodial Center, puwedeng paglipatan kay De Lima
Maaaring gamitin ni Senator Leila De Lima ang kwartong ginamit noon nina Senators Jinggoy Estrada at Bong Revilla Jr. sa PNP Custodial Center.
Sa Kapihan sa Manila Bay forum, sinabi ni Department of the Interior and Local Government Sec. Benjamin Abalos Jr. na nag-aalala si Pangulong Ferdinand Marcos Jr. sa trauma na naidulot kay De Lima ng hostage taking incident.
Ang kwarto na ginamit nina Estrada at Revilla noong sila ay makulong dahil sa kaso kaugnay sa pork barrel ay ginagamit niya bilang quarters ng mga miyembro ng Special Action Force (SAF).
Sinabi ni Abalos na para mapanatag ang loob ni De Lima, maaaring ipalinis at ipaayos ang nasabing kwarto para kaniyang magamit. (DDC)
