NDRRMC Facebook page napasok ng hacker

Nagsasagawa na ng imbestigasyon ang National Disaster Risk Reduction and Management Council (NDRRMC) sa insidente ng hacking sa kanilang official Facebook page.

Ayon sa NDRRMC, dakong alas 3:00 ng hapon ng Martes (Oct. 11) nang mapasok ng hacker ang kanilang Facebook.

Gumagawa na ng hakbang ang ahensya upang ma-retrieve ang account.

Humingi rin ng paumanhin ang NDRRMC sa publiko sa kalituhang maaaring idinulot ng insidente.

Tiniyak naman ng ahensya na magsasagawa ito ng karampatang mga hakbang upang hindi na maulit pa ang nangyari. (DDC)