Mga aplikante sa Coast Guard pinag-iingat sa fixers
Pinag-iingat ng Philippine Coast Guard (PCG) ang mga aplikante nito laban sa mga “fixer” na nag-aalok ng serbisyo para masiguro ang kanilang pagpasok sa PCG.
Ito ay makaraang matukoy na isang Princess Sandra Macapeges ang lumalapit sa mga aplikante para makakuha ng pera kapalit ang pangakong makakapasok sila bilang miyembro ng PCG.
Sa isang mall sa Parañaque City, nahuli ang isang nagngangalang Sherhana Hatae na napag-utusan umano ni “Princess” na tumanggap ng pera mula sa mga aplikante.
Nagpakilala ang mga operatiba kay Sherhana at ipinaalam sa kaniya ang rason ng naturang entrapment operation.
Patuloy ang follow-up operation ng mga otoridad upang maaresto si Princess na base sa pinakahuling impormasyon ay nananatili sa isang condominium sa Parañaque City. (DDC)
