14,333 na bagong kaso ng COVID-19 naitala ng DOH sa nakalipas na isang linggo

Nakapagtala ng 14,333 na bagong kaso ng COVID-19 sa bansa sa nakalipas na isang linggo o mula Oct. 3 hanggang Oct. 9.

Ang datos ayon sa Department of Health (DOH) ay 10 percent na mas mababa kumpara sa naitalang mga bagong kaso noong mula Sept. 26 hanggang Oct. 2.

Ayon sa DOH, sa 14,333 na bagong mga kaso, 5 lamang ang severe at critical cases.

Habang nakapagtala naman ng 256 dagdag na nasawi.

Samantala, iniulat din ng DOH na mayroon nang 73,312,416 na fully vaccinated individuals.

Umabot naman na sa 20,133,918 ang nakatanggap ng booster shots. (DDC)