DILG Sec. Abalos nagpositibo sa COVID-19
Kinumpirma ni Department of the Interior and Local Government (DILG) Sec. Benjamin Abalos Jr. na nagpositibo siya sa COVID-19.
Sasailalim sa quarantine ang kalihim at bigo itong makadalo sa Legislative Executive Development Advisory Council (LEDAC) meeting sa Malakanyang ngayong araw.
Sinabi ni Abalos na fully vaccinated siya laban sa COVID-19 at nakatanggap na din ng booster shot.
Sa ngayon ay maayos ang kondisyon ng kalihim at walang nararanasang sintomas.
Magsasagawa na rin aniya ng contact tracing at ipaaalam ang kaniyang kondisyon sa kaniyang mga nakasalamuha.
Nitong nagdaang mga araw-araw ay sunud-sunod ang aktibidad na pinuntahan ni Abalos.
Kabilang dito ang pagbisita sa burol ng napaslang na mamamahayag na si Percy Lapid.
Noong Linggo ay nagtungo din si Abalos sa PNP Custodial Center sa Camp Crame para bisitahin si dating Senador Leila De Lima matapos ang hostage taking incident.
Nagpatawag din ng presscon si Abalos sa Camp Crame. (DDC)
