Dalawang bagong Comelec commissioners nanumpa sa puwesto
Nakapanumpa na sa puwesto ang dalawang bagong commissioner ng Commission on Elections (Comelec) ngayong araw ng Lunes, Oct. 10.
Sina Ernesto Ferdinand Maceda Jr. at Nelson Celis ay kapwa nanumpa kay kay Comelec Chairperson George Garcia.
Ang dalawa ay kapwa Ad Interim appointees na may termino na tatagal hanggang Pebrero 2, 2029.
Si Maceda ay bagong talaga ni Pangulong Ferdinand Marcos Jr.
Habang reappointed naman si Celis matapos na ma-bypass ng CA.
Dahil kapwa ad interim ang appointment ng dalawa ay sasalang sila sa kumpirmasyon ng Commission on Appointments.
Dahil sa pagkakahirang sa dalawang bagong commissioner, buo na ang seven-man Comelec en banc. (DDC)
