Ipatutupad na dagdag sa presyo ng produktong petrolyo lumobo pa; presyo ng diesel tataas ng P6.85 kada litro

Inanunsyo na ng mga kumpanya ng langis ang eksaktong halaga ng ipatutupad na oil price hike ngayong linggo.

Sa abiso ng kumpanyang Shell, tataas ng P6.85 ang kada litro ng kanilang diesel.

Habang P1.20 naman ang dagdag sa presyo ng kada litro ng gasolina at P3.50 ang dagdag sa presyo ng kada litro ng kerosene.

Ganitong halaga din ang ipatutupad na dagdag-presyo ng iba pang kumpanya ng langis sa kanilang mga produkto.

Ang price adjustments ay ipatutupad bukas araw ng Martes (Oct. 11) ng umaga. (DDC)