Mga hindi bakunado laban sa COVID-19 hindi papayagang pumasok sa Manila North at South Cemetery simula Oct. 29 hanggang Nov. 2

Inumpisahan na ng Manila City government ang paghahanda sa paggunita ng Undas ngayong taon.

Sa inilabas na abiso ng Manila City LGU, sususpendihin ang interment operations o paglilibing sa Manila North at South Cemetery simula Oct. 28.

Magre-resume naman ito sa Nov. 3.

Ang paglilinis, pagpipintura at pag-renovate sa mga nicho o libingan ay papayagan lamang hanggang sa Oct. 25.

Ang main gate ng mga sementeryo ay bubuksan mula 5:00 ng umaga hanggang 5:00 ng hapon lamang sa Oct. 29, 30, 31, Nov. 1 at 2.

Paalala ng Manila City LGU mahigpit na ipagbabawal sa Manila North at Manila South Cemetery ang mga sumusunod simula Oct. 29 hanggang Nov. 2:

– Mga batang edad 12 pababa
– mga hindi bakunadong indibidwal
– mga sasakyan
– nakalalasing na inumin
– flammable materials
– armas at mga matatalas na bagay
– videoke o anumang uri ng sound system
– baraha, bingo cards o anumang maaaring gamitin sa pagsusugal