Aktibidad ng Bulkang Mayon bahagyang humupa; Alert Level 2 nananatiling nakataas
Bahagyang humupa ang aktibidad ng Bulkang Mayon subalit nananatili pa rin itong nasa Alert Level 2.
Ayon sa inilabas na bulletin ng Phivolcs, nakapagtala lamang ng 1 volcanic earthquake sa Mt. Mayon sa nakalipas na 24 na oras.
Noong Biyernes ay itinaas ng Phivolcs ang Alert Level 2 (increased unrest) sa Mt. Mayon mula sa Alert Level 1.
Paalala ng Phivolcs sa publiko, bawal pa rin ang pagpasok sa 6-kilometer radius ng Permanent Danger Zone ng bulkan.
Bawal din ang pagpapalipad ng anumang uri ng aircraft malapit sa Mt. Mayon. (DDC)
