37 nasawi sa insidente ng pamamaril sa childcare center sa Thailand

Patay ang 37 katao kabilang ang 23 mga bata sa insidente ng pamamaril sa isang childcare center sa Nong Bua Lam Phu province, Thailand.

Sa imbestigasyon ng mga otoridad, isang dating pulis ang umatake sa pasilidad at namaril.

Kabilang sa mga tinamaan ng bala ang mga batang natutulog lamang nang sa center nang mangyari ang insidente.

Binaril at napatay din ng suspek ang kaniyang asawa at anak.

Matapos ang pamamaril ay nagbaril sa sarili ang 34 anyos na suspek.

HIndi pa tukoy kung ano ang motibo sa krimen, pero ayon sa pulisya nawalan ng trabaho ang suspek noong Hunyo dahil sa paggamit ng ilegal na droga. (DDC)