DPWH magsasagawa ng weekend road reblocking at repairs sa ilang kalsada sa Metro Manila

Magsasagawa ang Department of Public Works and Highways (DPWH) ng reblocking at repairs sa ilang pangunahing kalsada sa Metro Manila ngayong weekend.

Sa inilabas na traffic advisory ng Metropolitan Manila Development Authority (MMDA) mamayang alas-11:00 ng gabi ngayong Biyernes,Oktubre 7 isasagawa ng DPWH ang pagsasaayos sa
EDSA NB, Quezon City EDSA Carousel Bus lane Santolan MRT Station, EDSA Carousel Bus lane paglampas ng Boni Serrano hanggang P. Tuazon Avenue, paglampas ng Aurora Blvd. hanggang Kamuning 3rd lane magmula sa sidewalk (intermittent section); C-5 Road, Pasig City truck lane (KM 15 + 171 to KM 15 +665); Fairview Avenue NB, Quezon City sa pagitan ng Yakal St., at Milano Dr. (2nd lane buhat sa sidewalk);Cloverleaf EDSA NB hanggang segment ng NLEX SB (inner lane); Roosevelt Avenue malapit sa kanto ng EDSA SB; Payatas Road, Quezon City malapit sa AMLAC Ville Subdivision; at sa kahabaan ng EDSA SB Balingasa Creek hanggang Oliveros Footbridge, Quezon City.

Maaaring madaanan ng mga motorista ang mga apektadong kalsada sa Lunes,Oktubre 10 sa ganap na alas-5:00 ng madaling araw.

Pinapayuhan ang mga motorista na dumaan sa mga alternatibong ruta.(Bhelle Gamboa)