Larawan ng gunman sa Percy Lapid slay inilabas ng NCRPO

Inilabas ng National Capital Region Police Office (NCRPO) ang larawan ng gunman sa pagpatay sa beteranong brodkaster na si Percy Lapid o Percival Mabasa sa totoong buhay.

Umapela ang pulisya sa publiko na kung nakikilala ang suspek ay agad ipagbigay-alam sa mga otoridad.

Nagpalabas na ng P1.5 million na reward para sa sinumang makapagtuturo sa suspek.

Ayon kay Department of the Interior and Local Government (DILG) Sec. Benjamin Abalos Jr., nagbigay na ang PNP ng security sa pamilya ni Percy Lapid.

Binalaan naman ni Abalos ang nasabing person of interest na agad sumuko sa otoridad lalo na’t kakalat na aniya ang litrato sa social media para siya maaresto.

Umapela din si Abalos sa pamilya o kaibigan ng gunman na isuko na dahil maaaring manganib na rin ang buhay ng suspek mula sa mga taong nasa likod ng papaslang kay Lapid.

Ipinakita sa pamamagitan ng power point presentation na batay sa CCTV footage ay nakunan ang galaw ng dalawang suspek na sinasabing propessional hitmen. (DDC, Bhelle Gamboa)