Bayan SecGen Renato Reyes nakatanggap ng death threat; isusunod umano siya kay Percy Lapid

Nakatanggap ng death threat si Bayan Secretary General Renato Reyes Jr.

Ayon kay Reyes, ang pagbabanta ay matapos ang kaniyang pahayag kung saan binatikos niya ang pagbiyahe ni Pangulong Ferdinand Marcos Jr. sa Singapore.

Sa kaniyang tweet sinabi ni Reyes na ang pagbabanta ay natanggap niya sa pamamagitan ng Twitter.

Sinabi umano na isusunod siya kay Percy Lapid at hindi pa tapos ang taniman at tataniman siya ng kalibre 45 na baril.

Una nang sinabi ni Reyes na na iresponsable ang ginawang pagbiyahe ni Marcos sa Singapore para manood ng F1 Grand Prix gayong marami pang mamamayan ang hindi pa nakakabangon sa pananalasa ng bagyong Karding.

Pero ayon sa Malakanyang, naging produktibo ang naturang biyahe ng pangulo sa Singapore. (DDC)