VP Sara Duterte pinangunahan ang selebrasyon ng Teachers’ Day sa Bangued, Abra

Ipinagdiwang ng Department of Education (DepEd) ang National Teachers’ Day ngayong araw ng Miyerkules, Oct. 5.

Nagtipun-tipon ang mga guro mula sa iba’t ibang bayan ng Abra para sa aktibidad na idinaos sa Abra Sports Complex.

Dumalo si Vice President at DepEd Secretary Sara Duterte sa nasabing selebrasyon.

Binisita din ni Duterte ang Bangued North Elementary School sa Abra.

Bukod sa pagkumusta sa paaralan, namahagi rin ng ‘PagbaBAGo’ kits at food packs sa mga mag-aaral at kanilang mga magulang o guardian, sa pangunguna ng Office of the Vice President.

Ang mga ‘PagbaBAGo’ kits ay naglalaman ng school at dental health supplies.

May mga isinagawa ding programa at nagkaroon ng special performances.

Ang pagdiriwang ngayong taon ay mayroong temang “Gurong Pilipino: Dangal ng Sambayanang Pilipino”. (DDC)