Jose Calida hindi na-reappoint sa COA
Natapos na ang termino ni Jose Calida bilang chairperson ng Commission on Audit (COA).
Ito ay makaraang hindi i-reappoint ni Pangulong Ferdinand “Bongbong” Marcos Jr. si Calida sa nasabing puwesto.
Ayon sa pahayag ng Public Information Office ng COA, isa si Calida sa mga na-bypass ng Commission on Appointments (CA).
Sa reappointment na inilabas ng pangulo, hindi kabilang dito si Calida.
Sa ngayon ayon sa COA, hinihintay pa nila ang bagong itatalaga ni Marcos bilang bagong chairperson ng COA. (DDC)
