16,017 na bagong kaso ng COVID-19 naitala ng DOH sa nakalipas na isang linggo

Nakapagtala ng 16,017 na bagong kaso ng COVID-19 sa bansa sa nakalipas na isang linggo o mula Sept. 26 hanggang Oct. 2.

Ang datos ayon sa Department of Health (DOH) ay 10 percent na mas mababa kumpara sa naitalang mga bagong kaso noong mula Sept. 19 hanggang Sept. 25.

Ayon sa DOH, sa 16,017 na bagong mga kaso, 4 lamang ang severe at critical cases.

Habang nakapagtala naman ng 228 dagdag na nasawi.

Samantala, iniulat din ng DOH na mayroon nang 73,181,447 na fully vaccinated individuals.

Umabot naman na sa 19,760,243 ang nakatanggap ng booster shots. (DDC)