Ilan sa mga nanalo ng jackpot sa 6/55 Grand Lotto nakuha na ang kanilang napanalunan

Ilan sa 433 na bettors na nagwagi ng jackpot prize sa Grand Lotto 6/55 ang kumubra na ng kanilang napanalunang premyo.

Dumating sa tanggapan ng Philippine Charity Sweepstakes Office (PCSO) sa Mandaluyong City ang ilan sa mga jackpot winners.

Ilan sa kanila ang ipinakita din ang kanilang winning tickets para patunayan na tinayaan nila ang winning number combination na 9-18-27-36-45-54.

Kuwento ng isa sa mga nanalo, bumiyahe siya ng sampung oras upang makarating sa tanggapan ng PCSO para makuha ang napanalunang premyo.

Aniya, maraming taon na siyang tumataya sa lotto at nag-aalaga siya ng mga numero na mayroong pattern 9, 8, 7 at 6.

Nagpapasalamat umano siya na marami silang nabiyayaan at maghahati-hati sa mahigit P236 million na jackpot prize. (DDC)