Football match sa Indonesia nauwi sa riot, 125 ang nasawi

Nauwi sa trahedya ang football match na idinaos sa Indonesia.

Ito ay makaraang magkaroon ng riot at stampede sa ginanap na laban sa stadium sa Malang, East Java.

Ayon sa sa mga otoridad, umabot sa 125 katao ang nasawi at mahigit 300 ang nasugatan.

Gumamit ng tear gas ang mga pulis para maawat ang mga taong nag-riot sa football field.

Karamihan sa mga nasawi ay pumanaw na sa ospital matapos makaranas ng hirap sa paghinga dahil sa tear gas.

Inatasan na ni Indonesian President Joko Widodo ang Football Association of Indonesia na suspendihin ang mga laro sa BRI Liga 1 hangga’t hindi natatapos ang imbestigasyon sa insidente.

Nagpaabot din ng pakikiramay si Widodo sa mga naulila ng mga nasawi. (DDC)