27 sakay ng nagkaproblemang motorbanca sa Surigao Del Noret nailigtas ng Coast Guard
Nailigtas ng mga tauhan ng Philippine Coast Guard (PCG) Sub-Station Del Carmen ang 27 sakay ng isang motorbanca sa karagatang sakop ng Bucas Grande Island, Surigao Del Norte kahapon, February 18, 2021.
Galing ng Port of Surigao City ang motorbanca at patungo dapat ng Port of Del Carmen.
Habang naglalayag ay nabangga ito sa malalaking punong kahoy na nagluluntangan sa tubig at nagdulot ng ng butas sa secondary hull nito.
Ibinalik ng kapitan ang motorbanca at pansamantalang humimpil sa bahagi ng Sta. Cruz, Surigao Del Norte para humingi ng tulong.
Lulan ng motorbanca ang 19 na pasahero at 8 crew na pawang ligtas lahat na nadala sa Port of Del Carmen.
