Bagyong Luis nakalabas na ng bansa; isa nang severe tropical storm ayon sa PAGASA
Lumakas pa ang bagyong Luis at nasa severe tropical storm category na.
Gayunman, ayon sa PAGASA, nakalabas na ng bansa ang bagyo na huling namataan sa layong 1,130 kilometers east northeast ng Extreme Northern Luzon.
Taglay nito ang lakas ng hangin na aabot sa 100 kilometers bawat oras malapit sa gitna at pagbugsong aabot sa 125 kilometers bawat oras.
Kumikilos ang bagyo sa bilis na 20 kilometers bawat oras direksyong pa-norte.
Ayon sa PAGASA, wala nang direktang epekto ang bagyo saanmang bahagi ng bansa. (DDC)
