TINGNAN: Mga bahay, pananim winasak ng bagyong Karding sa Quezon
Ibinahagi ng Philippine Red Cross ang mga larawan ng pinsala ng bagyong Karding sa mga sinalanta nitong bayan sa Quezon.
Ang mga larawan ay kuha ng PRC Assessment Team sa Brgy. Carlagan sa Burdeos Quezon at sa bahagi ng Polillo Group of Islands.
Kita sa mga larawan ang maraming kabahayan na nasira ng bagyo.
May mga pananim at istruktura din tulad ng paaralan ang napinsala.
Ayon kay Red Cross Chairman Richard Gordon, patuloy ang PRC Assessment Team sa pagpunta sa mga apektadong lugar upang alamin ang mga pangangailangan ng mga komunidad. (DDC)
