Bakunahang Bayan pinalawig ng DOH hanggang Oct. 1
Pinalawig pa ng Department of Health (DOH) ang pagdaraos ng Bakunahang Bayan hanggang Oct. 1, 2022.
Naantala kasi ang unang araw ng aktibidad sa Luzon dahil sa pananalasa ng bagyong Karding.
Sa Visayas at Mindanao, opisyal na inilunsad ang Bakunahang Bayan noong Lunes, Sept. 26.
Kaugnay nito, hinikayat ng DOH ang mga kabilang sa priority groups partikular ang mga nakatatanda na makiisa sa PinasLakas at magpabakuna na kontra COVID-19.
Hinihikayat din ang lahat ng eligible na para sa booster shots na magpaturok na ng booster para mas mapalakas ang kanilang wall of immunity laban sa virus. (DDC)
