P15.2B na budget sa susunod na taon inilaan para sa Department of Migrant Workers

Naglaan ang Department of Budget and Management (DBM) ng P15.2 billion na halaga ng pondo para sa Department of Migrant Workers (DMW).

Ayon kay Budget Secretary Amenah Pangandaman, ito ay bilang pagkilala sa mga kontribusyon ng mga Overseas Filipino Workers (OFWs).

Ani Pangandaman, batid ng administrasyon ni Pangulong Ferdinand R. Marcos Jr. ang mga sakripisyo ng mga OFWs upang mapaganda ang buhay ng kanilang pamilya.

Malaking tulong din ang kanilang remittances sa pagpapasigla ng ekonomiya ng bansa.

Sinabi ni Pangandaman na nararapat lamang na may kaakibat na programa ang pamahalaan para ang mga OFW ay mabilis na matulungan, at masuportahan sa kanilang mga pangangailangan. (DDC)