Ipo dam nagpapakawala pa din ng tubig

Patuloy ang pagpapakawala ng tubig ng Ipo Dam sa Bulacan.

Sa inilabas na Hydrological Dam Situationer ng PAGASA, nasa 101.09 meters ang water level ng Ipo dam 8:00 ng umaga ng Lunes (Sept. 26).

Bahagya na itong bumaba kasunod ng paglayo ng Bagyong Karding sa Luzon.

Sa kabila nito, nakabukas pa rin ang isang gate ng Ipo dam at nagpapakawala ng tubig.

Pinapayuhan ang mga residente sa mabababang lugar at sa malapit sa Angat River sa Norzagaray Bulacan, Angat, San Rafael, Bustos, Baliuag, Pulilan, Plaridel, Calumpit, Paombong at Hagonoy sa posibleng pagtaas ng water level sa ilog. (DDC)