5 rescuers sa Bulacan patay matapos maanod ng rumaragasang tubig

Limang rescuers ang nasawi matapos tangayin ng rumaragasang tubig sa San Miguel, Bulacan sa kasagsagan ng pananalasa ng bagyong Karding.

Ayon kay Bulacan Gov. Daniel Fernando, ang lima ay pawang tauhan ng Provincial Disaster Risk Reduction and Management Office ng Bulacan.

Magkakasunod na natagpuan ang lima na pawang walang buhay.

Ayon kay Fernando, sakay ng bangka ang lima para magligtas ng mga pamilyang binaha.

Gayunman, mayroong pader na na nag-collapse at tumama sa kanilang bangka. (DDC)