Bangka lumubog sa Cambodia, 20 Chinese nationals ang nawawala

Mahigit dalawampung Chinese Nationals ang pinaghahanap matapos lumubog ang isang bangka sa karagatang sakop ng Cambodia.

Lulan ng nasabing bangka ang 41 Chiense nang mangyari ang insidente.

Ayon sa mga otoridad, 18 lamang sa mga ito ang nailigtas.

Sa inisyal na imbestigasyon, umalis ang mga Chinese mula sa pantalan sa Guangdong province lulan ng speedboat.

Makalipas ang halos isang linggo ay inilipat sila sa isang wooden boat na mayroong dalawang Cambodian crew members.

Gayunman, nagkaproblema ang nasabing bangka at lumubog.

Nakakulong na ang dalawang Cambodian na crew ng bangka dahil sa hinalang sangkot sila sa human trafficking. (DDC)