P301B na panukalang budget ng DOH para sa susunod na taon pasado na sa Kamara

P301B na panukalang budget ng DOH para sa susunod na taon pasado na sa Kamara

Inaprubahan na ng House of Representatives ang Php 301 Billion budget ng Department of Health (DOH) para sa susunod na taon.

Ito ay matapos ang isinagawang deliberasyon sa House Bill No. 4488 o ang Fiscal Year 2023 General Appropriations Bill (GAB).

Idinepensa ng mga opisyal ng DOH ang panukalang budget na sakop ang mga programa ng kagawaran para sa Universal Healthcare, COVID-19 response, healthcare workers benefits, at operasyon ng mga ospital at healthcare facilities sa bansa.

Sa susunod na linggo ay sasailalim naman sa deliberasyon ng Senado ang panukalang budget at kasunod ang Bicameral Committee. (DDC)