Plebisito para sa paghahati sa tatlo ng 28 mga barangay sa Ormoc, ikinakasa na ng Comelec

Naghahanda na ang COMELEC sa magaganap na plebisito sa Ormoc City, sa Leyte.

Sinabi ni COMELEC Chairman George Garcia, na inumpisahan na noong Lunes ang pag-iimprenta ng mga balota na gagamitin sa plebisito.

Ito ay para sa ratipikasyon ng pagsasanib ng 28 na barangay sa Ormoc City at hatiin ito sa tatlong barangay na lamang.

Ang plebisito ay itinakda sa October 8. Kaugnay nito, lumagda sa isang Memorandum of Agreement ang COMELEC kahapon sa National Printing Office para sa paglilimbag ng mga balota at iba pang accountable forms. (Ricky Brozas)