PNR trips nasuspinde dahil sa naitalang lindol sa Quezon

Nasuspinde ang biyahe ng Philippine National Railways sa mga ruta nito sa Metro Manila, Quezon at Laguna dahil sa pagyanig na naitala sa Quezon, Miyerkules (Sept. 21) ng gabi.

Sa abiso sa publiko ng PNR, kabilang sa mga nasuspinde ay ang sumusunod na biyahe:

Tutuban – Alabang
Alabang – Tutuban
Tutuban – Gov. Pascual
Gov. Pascual – Tutuban
Gov. Pascual – Bicutan
Bicutan – Gov. Pascual
Lucena – San Pablo
San Pablo – Lucena

Matapos ma-inspeksyon ang mga riles ay nag-resume naman na sumusunod na biyahe:

Tutuban – Alabang (7:46 a.m.)
Tutuban – Gov. Pascual (7:51 a.m.)
Gov. Pascual – Bicutan (8:22 a.m)
Alabang-Tutuban (9:12 a.m.)

Pinayuhan ng PNR ang mga commuter na manatiling nakatututok sa kanilang Facebook page para sa update sa oras ng pag-resume ng iba pang mga ruta.

Ayon sa Phivolcs, naitala ang magnitude 4.4 na lindol sa Real, Quezon, 10:28 ng gabi ng Miyerkules.

Naitala ang sumusunod na intensities bunsod ng naturang pagyanig:

Intensity IV – Real, Quezon
Intensity III – Lucban and Infanta, Quezon; City of Manila
Intensity II – General Nakar, Quezon
Intensity I – Quezon City