Dalawang mangingisda nailigtas ng Coast Guard sa Cavite

Nailigtas ng mga tauhan ng Philippine Coast Guard – Sub-Station Tanza ang dalawang mangingisda matapos lumubog ang sinasakyan nilang bangka sa Naic, Cavite.

Lulan ang dalawa ng MB “Mommy Yolls” nang magkaproblema ang bangka at pinasok ng tubig.

Nakilala ang mga nailigtas na sina George Gapate, 52 anyos at Rodolfo Tulibas, 18, anyos na kapwa residente ng Barangay 49M, Bagong Pook, Cavite City.

Ayon sa PCG, hinampas ng malalakas na alon ang bangka ng dalawa kaya napinsala ito.

Ayon sa search and rescue (SAR) team kapwa nasa maayos na kondisyon ang dalawang mangingisda. (DDC)