Vhong Navarro nakakulong na sa NBI

Nasa detention cell na ng National Bureau of Investigation (NBI) ang TV host na si Vhong Navarro.

Kinumpirma ng NBI sa pahayag si Navarro ay nai-turnover na sa NBI-Security and Management Section (NBI-SMS).

Si Navarro ay una nang sumuko sa NBI matapos magpalabas ng warrant of arrest ang Taguig Metropolitan Trial Court para sa kaso niyang Acts of Lasciviousness.

Naglagak ng piyansang P36,000 si Navarro para sa nasabing kaso.

Gayunman, nagpalabas din ang Regional Trial Court Branch 69, Taguig City ng warrant of arrest laban sa kaniya para naman sa kinakaharap niyang kasong rape.

Walang piyansang inirekomenda ang korte para sa pansamantalang paglaya ni Navarro sa kaniyang rape case. (DDC)