Urban teaching farm isinusulong ng Las Piñas LGU

Bilang suporta sa Plant Plant Plant Program ng Department of Agriculture (DA), patuloy na isinusulong ng Las Piñas City Government sa pangangasiwa ng City Agriculture Ofice ang pagtuturo ng pagsasaka o pagtatanim.

Bukod sa nagsisilbing venue ng training, learning, at pagpapaunlad ng urban agriculture practices at teknolohiya sa Las Piñas, ang mga naaaning gulay ay ipinagkakaloob sa mga benepisyaryo ng City Nutrition Office at ng Persons Deprived of Liberty (PDLs) mula sa Las Piñas City Jail.

Layunin nitong makapagbigay ng karagdagang suplay ng mga sariwang produktong pang-agrikultura sa kapakinabangan ng mga Las Piñeros.

Bahagi pa rin ito sa prayoridad ng lokal na pamahalaan ukol sa seguridad ng pagkain o food security sa lungsod. (Bhelle Gamboa)