MRT-3 LRT-2 at PNR may alok na libreng sakay sa mga kawani ng gobyerno

Libreng makasasakay sa MRT-3, LRT-2 at PNR ang mga kawani ng gobyerno bukas, araw ng Lunes, Sept. 19.

Ito ay kasabay ng pagdiriwang ng Philippine Civil Service Anniversary.

Ayon sa Department of Transportation (DOTr), ang mga government workers ay libreng makasasakay sa MRT-3 at LRT-2 simula 7:00 hanggang 9:00 ng umaga, at 5:00 ng hapon hanggang 7:00 ng gabi.

Habang sa PNR, maaaring i-avail ang Libreng Sakay mula sa una hanggang huling trip sa mga operational routes nito.

Kailangan lamang ipakita ang Government Employee ID.

Ang libreng sakay ay bilang pagkilala sa dedikasyon ng bawat kawani sa pagbibigay ng tapat at maayos na serbisyo publiko para sa kapakanan ng bawat Pilipino. (DDC)