Typhoon Nanmadol nakapasok na ng PAR; pinangalanang “Josie” ng PAGASA

Nakapasok na sa Philippine Area of Responsibility ang Typhoon Nanmadol.

Ayon sa PAGASA, 5:40 ng hapon ng Biyernes (Sept. 16) nang pumasok sa bansa ang bagyo at pinangalanan itong “Josie”.

Ang bagyo ay may taglay na lakas ng hangin na aabot sa 175 kilometers bawat oras malapit sa gitna at pagbugsong aabot sa 215 kilometers bawat oras.

Ayon sa PAGASA maaring agad ding lumabas ng bansa ang bagyo.

Wala din itong magiging direktang epekto saanmang panig ng bansa. (DDC)