Maiksing power operation sa Batanes magpapatuloy dahil sa kakapusan ng suplay ng diesel

Patuloy na makararanas ng araw-araw na power interruption sa Batanes dahil sa pagkakaantala ng pagdating ng suplay ng diesel.

Simula noong September 8, ang Batanes Electric Cooperative o BATALENO ay nagpapatupad ng araw-araw na power interruption.

Ang mga residente ay mayroon lamang suplay ng kuryente mula 1:00 ng hapon hanggang 9:00 ng gabi o sa loob lamang ng walong oras.

Sa abiso ng provincial government ng Batanes, tinatayang sa Sept. 15 pa makararating ng Batanes ang fuel tanker lulan ang suplay ng diesel para sa probinsya.

Dahil dito, sinabi ng pamahalaang panlalawigan na magpapatuloy ang walong oras lamang na power operation hanggang sa dumating ang suplay ng diesel. (DDC)