58-anyos na ginang nasawi sa shark attack sa Bahamas

Isang 58-anyos na ginang ang nasawi sa insidente ng shark attack habang nagsasagawa ng snorkeling sa Bahamas kasama ang kaniyang pamilya.

Ang babae ay mula sa Pennsylvania at nagbabakasyon sa Bahamas.

Ayon sa Bahamian police, nangyari ang insidente sa karagatan ng Green Cay malapit sa Bahamian capital na Nassau.

Tinangka ng mga tour operator na iligtas ang babae subalit nabigo sila.

Nagtamo ng serious injuries ang ginang sa kaliwang bahagi ng kaniyang katawan.

Nang madala ito sa pampang ay wala na itong buhay.

Ang trip sa Bahamas ng pamilya ay bahagi ng kanilang seven-night cruise lulan ng Royal Caribbean International ship Harmony of the Seas.

Tiniyak naman ng pamunuan ng Royal Caribbean na tutulong sila sa pamilya ng biktima. (DDC)