Ginang na inabot ng panganganak sa motorbanca habang patungong ospital, tinulungan ng Coast Guard

Umasiste ang mga tauhan ng Philippine Coast Guard Station Isabela sa isang ginang na inabot ng panganganak habang sakay ng motorbanca sa bayan ng Lantawan.

Patungo sana ang ginang sa Basilan General Hospital (BGH) galing ng Sitio Paniongan sa Lantawan madaling araw ng Huwebes (Sept. 8).

Gayunman, bago pa makarating sa ospital, inabot na ng panganganak ang ginang habang sakay ng bangka.

Nang makarating sa pantalan, agad umasiste ang mga tauhan ng PCG para mabilis na madala sa ospital ang mag-ina.

Agad nabigyan ng atensyong medikal ang 41 anyos na ina at ang kaniyang baby girl pagdating sa Basilan General Hospital. (DDC)