“Kadiwa Mobile Palengke”, inilunsad sa Parañaque
Inilunsad ngayong araw, Setyembre 7, 2022 ng Parañaque City Government ang Kadiwa Mobile Palengke bilang direktang tulong sa mga lokal na magsasaka sa bansa.
Ang Kadiwa Mobile Palengke ay binuksan sa El Dorado Golezium, Brgy. Don Bosco, Parañaque City na layong mag-alok ng mga murang gulay at prutas para sa mga Parañaquenos.
Ito ay inorganisa ng Consumer Welfare Office (CWO) sa pakikipagtulungan ng Department of Agriculture (DA).
Hinihikayat ng lokal na pamahalaan ang mga residente na tangkilikin ang Kadiwa Mobile Palengke upang mabigyan ng suporta ang kabuhayan ng mga magsasaka. (Bhelle Gamboa)
