P1B Compensation Fund inilaan sa 2023 National Budget para sa mga biktima ng Marawi Siege

Good News para sa mga Maranao na biktima ng Marawi Siege noong taong 2017!

Sinabi ni Budget Secretary Amenah F. Pangandaman na sa ilalim ng 2023 proposed budget, naglaan ang Marcos administration ng pondo upang matulungan ang mga Maranao na nawalan ng kanilang tirahan at ari-arian sa Marawi Siege.

Sinabi ng kalihim na ito ang unang pagkakataon na may nakalaang budget na sesentro lamang para sa kompensasyon sa mga biktima.

Noong mga nakaraan taon kasi ay itinuon ng pamahalaan ang budget sa construction at rebuilding ng mga infrastructure sa lugar na naapektuhan ng kaguluhan.

Naniniwala si Pangandaman na magiging malaking tulong ang pondo upang mapabilis ang pagbangon ng mga taga-Marawi at ng siyudad.

Magugunitang dumaan sa 5-buwang armed conflict ang Marawi City limang taon na ang nakakaraan. (DDC)