Pangulong Marcos nasa Singapore na

Nagtungo na sa Singapore si Pangulong Ferdinand Marcos Jr. matapos ang kaniyang state visit sa Indonesia.

Mananatili sa Singapore ang pangulo hanggang araw ng Miyerkules (Sept. 7) kung saan makikipagpulong siya kina Singaporean President Halimah Yacob at Prime Minister Lee Hsien Loong.

Kabilang sa tatalakayin sa pulong ang bilateral relations ng Pilipinas at Singapore, economic ties at regional at global issues.

Ayon sa Office of the Press Secretary, 10:12 ng umaga ng Martes (Sep. 6) nang umalis sa Indonesia si Marcos.

Nakatakda ding makipagpulong ang pangulo sa Filipino community sa Singapore. (DDC)